ABŞ Rusiyaya məxsus 20 illik casus proqram şəbəkəsini sıradan çıxardı

ABŞ Ədliyyə Nazirliyi Rusiya Federasiyası Federal Təhlükəsizlik Xidmətinə (FSB) aid olduğu bilinən 20 illik proqram şəbəkəsinin sıradan çıxarıldığını açıqlayıb.

Busaat.az xəbər verir ki, bu barədə ABŞ Ədliyyə Departamenti yazılı açıqlama yayıb.

Açıqlamada qeyd edilib: “MEDUSA əməliyyatı ilə FBİ və Nyu-Yorkun Şərq Bölgəsi üzrə prokurorluğu bir çox xarici hökumətlərlə koordinasiyada, FSB-nin ən əhəmiyyətli kibercasus proqram şəbəkəsini zərərsizləşdirdi”.

Açıqlamada Rusiyanın 2004-cü ildən bəri 50 ölkədə virusa yoluxmuş yüzlərlə kompüterdən məlumatları əldə etmək üçün istifadə etdiyi “İlan” adlı qabaqcıl proqram şəbəkəsinin FBİ tərəfindən zərərsizləşdirildiyi bildirilib.

Baş prokurorun müavini Metyu Q. Olsen verdiyi açıqlamada deyib: “Ədliyyə Departamenti Rusiyanın kiber fəaliyyəti ilə mübarizə aparmaq, yüksək texnologiyalı əməliyyatlar vasitəsilə zərərli proqramları zərərsizləşdirmək, hüquq-mühafizə orqanlarından istifadə etmək və birgə təsirimizi artırmaq üçün beynəlxalq müttəfiqlər və özəl sektor tərəfdaşları ilə işləyir”.

Busaat.az