ABŞ səfirlik işçilərini İraqdan qismən təxliyə edir

Bağdaddakı ABŞ səfirliyinin qeyri-vacib işçiləri və onların ailələri naməlum təhlükəsizlik riskləri səbəbindən İraqı tərk etmək əmri alıblar.

Busaat.az “CNN”ə istinadən xəbər verir ki, bununla bağlı Dövlət Departamenti bəyanat yayıb.

“Son araşdırmamıza əsasən, missiyamızın İraqdakı mövcudluğunu azaltmaq qərarına gəldik. Biz bütün səfirliklərimizdə tələb olunan kadr səviyyələrini davamlı olaraq qiymətləndiririk” – bəyanatda vurğulanıb.

Həmçinin ABŞ-nin müdafiə naziri Pit Heqset amerikalı hərbçilərin ailə üzvlərinin Yaxın Şərqdəki obyektləri könüllü şəkildə tərk etməsinə icazə verib.

İraqı tərk etmək əmrinə səbəb olan təhlükəsizlik riskləri hələ aydın deyil.