Vaşinqton sentyabrda ABŞ istehsalı olan “Abrams” tanklarını Ukraynaya çatdırmağa hazırlaşır .
Busaat.az xəbər verir ki, bu barədə “Politico” qəzeti yazır.
Qəzetin məlumatına görə, avqust ayında Almaniyaya modernləşdirmə üçün bir neçə tank göndəriləcək.
“Plan avqust ayında Almaniyaya bir neçə Abrams tankı göndərməkdir və orada onlar son təmirdən keçəcəklər. Bu proses başa çatdıqdan sonra Abrams tanklarının ilk partiyası gələn ay Ukraynaya çatdırılacaq”, – məlumatda deyilir.
Nəşr yazır ki, ABŞ Ukraynaya bir il lazım olan daha müasir A2 versiyası əvəzinə köhnə M1A1 modellərini göndərir.
Hesabata görə, köhnə maşınlar “Ukraynaya göndərilməzdən əvvəl ən həssas texnologiyalarından, o cümlədən bəzi hallarda gizli tükənmiş uran zirehlərindən təmizlənir”.
Ukrayna hərbçiləri 10 həftəlik təlim kursu keçdikdən sonra tanklardan istifadəyə başlaya bilər. Onların təlim-məşq toplanışını avqustda başa vuracağı gözlənilir.
Busaat.az
