ABŞ Silahlı Qüvvələri Qamışlı şəhərinin (Haseke əyaləti) cənub-şərqində yerləşən Suriya ordusunun nəzarət-buraxılış məntəqəsinə hava zərbəsi endirib.
Busaat.az xəbər verir ki, bu barədə Suriyanın dövlət informasiya agentliyi “SANA” məlumat yayıb.
Məlumata görə, zərbələr ABŞ ordusunun patrul xidmətinin keçid məntəqəsindən keçməsinə Suriya hərbçiləri tərəfindən imkan verilməməsindən sonra həyata keçirilib. PUA tərəfindən atılan hava zərbəsi nəticəsində bir suriyalı hərbçi həlak olub, ikisi yaralanıb.
