ABŞ Suriyadakı terror təşkilatı PKK/YPG liderlərinin separatçı istəklərini dəstəkləyir.
Busaat.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
Rusiyanın Suriyadakı terror təşkilatı PKK/YPG-yə bu ölkənin şimalındakı torpaqları tərk etməsi üçün təzyiq edib-etməməsi sualını cavablandıran Zaxarova, PKK/YPG ilə Suriya rejimi arasında Fərat çayının Şərq sahillərində ortaq qərara gəlmək məqsədilə dialoq qurmağa çalışdıqlarını deyib: “Ancaq ABŞ-ın burada qeyri-qanuni mövcudluğu buna mane olur”.
ABŞ-ın Suriyanın şimalında terror təşkilatı PKK/YPG-ni dəstəklədiyini vurğulayan Zaxarova əlavə edib: “Amerikalılar Suriyanın bəzi kürd liderlərinin separatçı istəklərini dəstəkləyir və sözügedən torpaqların Dəməşqin nəzarətinə keçməməsi üçün siyasət izləyirlər”.
Bu torpaqların neftə və zəngin təbii sərvətlərə malik olduğunu qeyd edən Zaharova, “PKK/YPG-nin ABŞ-la ittifaqı konstruktiv və gələcəyə hesablanmış deyil” – deyə, xəbərdarlıq edib.
