ABŞ Suriyadakı hərbi bazalarına əlavə qüvvələr yerləşdirir.
Busaat.az xəbər verir ki, bu barədə “Anadolu” agentliyi yerli mənbələrə istinadən məlumat yayıb.
“Amerika ordusunun daha bir hərbi karvanı Əl-Valid keçid məntəqəsindən keçərək İraqdan Suriyaya gedib. Bir gün əvvəl isə 40-a qədər maşın Həsəkə əyalətindəki ABŞ hərbi obyektlərinə yollanıb”, – nəşrin məlumatında deyilir.
Bildirilir ki, hərbi karvana zirehli texnika, döyüş sursatı olan yük maşınları və yanacaq daşıyan maşınlar daxildir. Yük Rumeylan, Şeddadi və Tall Beider bölgələrində ABŞ hərbçiləri üçün nəzərdə tutulub.
Xatırladaq ki, ABŞ ordusu Suriyanın şimalında və şimal-şərqində Suriyanın ən böyük neft və qaz yataqlarının yerləşdiyi Deyr əz-Zor, Əl-Hasek və Rakka əyalətlərindəki ərazilərə qanunsuz nəzarət edir.
Busaat.az
