ABŞ Suriyaya qarşı sanksiyaları 6 ay müddətinə LƏĞV ETDİ

ABŞ-ın Suriyaya qarşı sanksiyaları 6 ay ərzində zəlzələdən xilasetmə əməliyyatlarına tətbiq edilməyəcək.

Busaat.az xəbər verir ki, bu barədə qərar fevralın 9-da ABŞ Maliyyə Nazirliyinin verdiyi lisenziyada nəzərdə tutulub.

Sənəddə deyilir: “ABŞ Xəzinədarlığının Xarici Aktivlərə Nəzarət İdarəsi Suriya üçün 23 nömrəli ümumi lisenziya verib ki, bu da zəlzələnin nəticələrini aradan qaldırmaq üçün 180 gün müddətinə sanksiyalardan qorunmağa icazə verir”.

“Xarici müttəfiqlər və humanitar tərəfdaşlar qurbanlara kömək etmək üçün güclərini birləşdirdiklərinə görə, mən açıq şəkildə bildirmək istəyirəm ki, ABŞ-ın Suriyaya tətbiq etdiyi sanksiyalar suriyalıların həyatını xilas etmək səylərinə mane olmayacaq”, – ABŞ Maliyyə Nazirinin müavini Uolli Adeyemo bildirib.

Adeyemonun sözlərinə görə, ABŞ-ın Suriyaya qarşı sanksiya rejimi əvvəllər ABŞ, BMT və qeyri-hökumət təşkilatlarının humanitar yardım göstərməsinə bəzi istisnalar daxil edib.

Qeyd olunub ki, lisenziya Suriya neft məhsullarının ABŞ-a satışı ilə bağlı hər hansı əməliyyatlar üçün keçərli deyil.

Busaat.az