ABŞ Suriyaya yeni qüvvələr göndərir

ABŞ ordusu son 3 gündə İraq ərazisi üzərindən Suriyada terror təşkilatı PKK/YPG-nin işğalı altında olan Haseke əyalətindəki baza və hərbi məntəqələrə 100-ə yaxın maşından ibarət hərbi və logistik karvanlar göndərib.

Busaat.az Anadolu Agentliyinə istinadən xəbər verir ki, ABŞ qüvvələrinə aid əlavə qüvvələr yanvarın 6 və 8-də İraq-Suriya sərhədindəki əl-Valid sərhəd keçid məntəqəsi vasitəsilə Hasekeye daxil olub.

Terror təşkilatı PKK/YPG-nin işğal etdiyi Rumeylan, Şeddadi və Tel Beyder yaşayış məntəqələrində ABŞ qüvvələrinin baza və hərbi məntəqələrinə çatan 100-ə yaxın avtomobil karvanına zirehli hərbi maşınlar, yanacaq tankerləri və çoxlu sayda sursat daxil edilib.

ABŞ 2019-cu ilin oktyabrında “Barış Pınarı” əməliyyatının başlaması ilə əməliyyat bölgəsindəki bazalarını boşaldarkən, neft yataqları ətrafında məskunlaşmağa üstünlük verib.

Terror təşkilatı PKK/YPG-yə dəstəyini davam etdirən ABŞ qüvvələri hazırda Suriyanın Haseke, Rakka və Deyr əz-Zor əyalətlərində təşkilatın işğal etdiyi bölgələrdəki bir çox baza və hərbi məntəqələrdə mövcuddur.

Vaşinqton PKK/YPG terrorçularının işğal etdiyi neft yataqlarında yerləşən hərbi baza və məntəqələrə davamlı olaraq əlavə qüvvələr göndərir.

Busaat.az