“ABŞ tənəzzülə uğrayır və 2023-cü il Avropa üçün 2022-ci ildən daha çətin olacaq”

“Avropada və dünyada vəziyyətin 2023-cü ildə daha da gərginləşəcəyini gözləyirəm”.

Busaat.az xəbər verir ki, bunu Serbiya prezidenti Aleksandar Vuçiç deyib.

“Mən gözləyirəm ki, 2023-cü il Avropa və qlobal səviyyədə 2022-ci ildən daha çətin olacaq” – deyə, Vuçiç illik mətbuat konfransında deyib.

“ABŞ tənəzzülə yaxınlaşır. Çinin böyüməsi yavaşlayır. Avropa tənəzzülə yaxınlaşır” – deyə, Vuçiç qeyd edib.

Qeyd edək ki, Beynəlxalq Valyuta Fondunun (BVF) idarəedici direktoru Kristalina Georgiyeva daha əvvəl bildirib ki, Çinin 2022-ci ildə artım tempi son 40 ildə ilk dəfə olaraq orta qlobal ÜDM-ə bərabər və ya hətta aşağı ola bilər.

Britaniyanın “Financial Times” qəzetinin yazdığına görə, Avropa qarşıdakı aylarda soyuq havaya görə işıqların kəsilməsi ilə üzləşə bilər.

Busaat.az