
ABŞ tərəfindən göndərilən 61 ton silah və sursat Somaliyə çatdırılıb
Somali ABŞ-ın “Əş-Şəbab” terror təşkilatı ilə mübarizədə istifadə etmək üçün göndərdiyi 61 ton silah və sursatı təhvil alıb.
Busaat.az xəbər verir ki, bu barədə ABŞ-dan verilən yazılı açıqlamada bildirilib.
Açıqlamada 61 ton silah və sursatın Somalinin paytaxtı Moqadişuya gəldiyi qeyd edilib.
Digər tərəfdən Türkiyə, Qətər, Birləşmiş Ərəb Əmirlikləri, Böyük Britaniya və ABŞ birgə bəyanat verərək, terrorla mübarizə aparan Somali hökumətinə dəstəklərini bir daha bəyan ediblər.
Qeyd edək ki, Somali ordusu təxminən 7 aydır Əş-Şəbab qruplaşmasına qarşı apardığı əməliyyatlarda əhəmiyyətli irəliləyiş əldə edərək bir çox yaşayış məntəqəsinə nəzarəti bərpa edib.
Busaat.az























