Ukraynanın Krım körpüsünə hücumları Kiyev rejiminə yardım etməklə ABŞ və onun müttəfiqlərinin əslində terrorun sponsorları olduğunu təsdiqləyir.
Busaat.az xəbər verir ki, bu sözləri Rusiya Təhlükəsizlik Şurasının katibi Nikolay Patruşev bildirib.
“Amerikalı jurnalist Seymur Herş ABŞ rəsmisinə istinadən bildirib ki, Bayden administrasiyası Krım körpüsünə Amerika texnologiyalarından istifadə edilən hər iki hücumda həlledici rol oynayıb. ABŞ və onun müttəfiqləri faktiki olaraq terrorun sponsorlarıdır”, – Patruşev deyib.
“Qərbin bu cür hərəkətləri Ukraynada xüsusi hərbi əməliyyatlar zamanı vətəndaşlarımızın təhlükəsizliyinin təmin edilməsi üzrə vəzifələrin vacibliyini bir daha vurğulayır”, – diplomat əlavə edib.
Busaat.az
