
ABŞ Türkiyədəki seçkilərə müdaxilə edir - Süleyman Soylu
Türkiyənin daxili işlər naziri Süleyman Soylu ABŞ-nin Türkiyədəki seçkilərə müdaxilə etdiyini bildirib.
Busaat.az xəbər verir ki, nazir bunu CNN Türk telekanalına müsahibəsində bildirib.
Qərbə qarşı sərt açıqlamaları ilə tanınan Soylu daha əvvəl ABŞ-ni ölkə sərhədlərində terror dövləti yaratmağa çalışmaqda ittiham edib. Ötən il İstanbulda törədilən terror aktından sonra o, Ankaranın Vaşinqtonun başsağlığını qəbul etmədiyini bildirib.
“ABŞ bu seçkilərə müdaxilə edir. Bunu artıq bu ölkədə hamı bilir, bunu ABŞ prezidentinin özü deyir. Muharrem İnceyə hücum? Bunun haradan gəldiyi, harada koordinasiya edildiyi bəllidir”, – Soylu deyib.
Busaat.az























