ABŞ və Qərb rəsmiləri Ukraynanı şərqdəki Baxmut şəhərində aylardır davam edən amansız döyüşlərdən fərqli döyüş üslubundan istifadə etməyə, xülasə cənubda potensial hücumu prioritetləşdirməyə çağırır.
Busaat.az xəbər verir ki, bu barədə məlumatı CNN yayıb.
Qərb və ABŞ son həftələrdə Ukrayna qüvvələrinə Ukrayna üçün az strateji əhəmiyyət kəsb edən Baxmutda itkilərini azaltmağı və bunun əvəzinə cənubda hücum planlaşdırmağa diqqət yetirməyi təklif etməyə başlayıblar. Qeyd olunur ki, bu mesajı Kiyevə Bayden administrasiyasının üç yüksək rütbəli məmuru çatdırıb.
ABŞ və Avropa ölkələrinin son həftələr ərzində Ukraynaya verdiyi yüzlərlə zirehli texnika, o cümlədən 14 Britaniya tankı Ukraynaya köhnə döyüş təcrübəsindən yenisinə keçid prosesində kömək etmək üçün nəzərdə tutulub.
Bununla belə, Zelenskinin Baxmutdan imtina etməyə hazır olub-olmadığı bəlli deyil.
Onun düşüncəsinə bələd olan insanlar CNN-ə bildiriblər ki, Zelenski Rusiyanın Baxmutdakı qələbəsini tamamlanmış hesab etmir və hələ də oradan əl çəkmək istəmir. Zelenski hesab edir ki, Baxmutun saxlanması Ukraynaya bütün Donbası qaytarmaq üçün daha yaxşı şans verəcək və əgər Rusiya qalib gəlsə, bu, ona şərqdəki strateji əhəmiyyətli şəhərlər olan Slavyansk və Kramatorska doğru irəliləməyə imkan verəcək.
