ABŞ Ukraynaya 400 milyon dollarlıq sursat və avadanlıq verəcək

ABŞ öz inventarından Ukraynaya 400 milyon dollarlıq sursat və avadanlıq verəcək.

Busaat.az xəbər verir ki, bunu ABŞ dövlət katibi Antoni Blinken açıqlayıb.

“Prezident Baydenin mandatı altında 2021-ci ilin avqustundan bəri 33-cü dəfə Ukrayna üçün 400 milyon dollar dəyərində sursat və avadanlığın ABŞ inventarından çıxarılmasına icazə verirəm”, – Blinken yazılı açıqlamada bildirib.

Bu yardım paketinə ABŞ-ın təmin etdiyi Yüksək Performanslı Artilleriya Raket Sistemi (HIMARS) və haubitsalar üçün əlavə sursatlar daxil olduğunu bildirən Blinken, əlavə olaraq Bradley Piyada Döyüş Vasitələrinin sursatları, zirehli texnikanın yan keçid körpüləri, sökülmə sursatları və avadanlıqları və digər texniki-təlim avadanlıqları daxil olduğunu qeyd edib.

ABŞ Müdafiə Nazirliyindən (Pentaqon) verilən açıqlamada, paketə 155 və 105 mm-lik top mərmiləri, 25 mm-lik Bradley mərmiləri, eləcə də sayı göstərilmədən zirehli texnikanın yan keçid körpülərinin daxil olduğu bildirilib.

Busaat.az