ABŞ Ukraynaya əlavə hərbi yardım edəcək. Yardım paketinə HİMARS raketləri, artilleriya sistemləri, təchizatlar, döyüş sursatları və zirehli maşınlar daxil edilib.
Busaat.az xəbər verir ki, bu barədə məlumatı Ağ Evin mətbuat xidməti yayıb.
“Prezident Coe Bayden bu gün 625 milyon dollarlıq təhlükəsizlik paketi də daxil olmaqla Ukraynanı nə qədər lazımdırsa dəstəkləməyə davam edəcəyini vəd edib. Paketə HİMARS raketləri, artilleriya sistemləri, təchizatlar, döyüş sursatları və zirehli maşınlar daxil edilib” –deyə, məlumatda bildirilib.
ABŞ Dövlət katibi Antoni Blinken, “Bu yardımın çatdırılmasıyla ABŞ-ın Ukraynaya hərbi yardımının ümumi dəyərini 17,5 milyard dollardan çox təşkil edəcək. Son hadisələr bizim qətiyyətimizi gücləndirir. Biz Ukrayna xalqının yanında olmağa davam edəcəyik” –deyə, bildirib.
Qeyd edək ki, ABŞ bundan əvvəl də Ukraynaya yardımlar edib. Son yardım isə 12,4 milyard dollar dəyərində olub.
Busaat.az
