ABŞ Ukraynaya daha 275 milyon dollarlıq müdafiə yardımı ayırdığını AÇIQLAYIB

ABŞ administrasiyası Rusiya ilə müharibə vəziyyətində olan Ukraynaya raket sistemi və peyk rabitə antenaları da daxil olmaqla 275 milyon dollar dəyərində yeni müdafiə yardımı paketi açıqlayıb.

Busaat.az xəbər verir ki, bu barədə ABŞ Müdafiə Nazirliyinin mətbuat katibinin müavini Sabrina Sinq mətbuat konfransı zamanı bildirib.

Məlumata görə, Ukraynanın kritik təhlükəsizlik və müdafiə ehtiyaclarını, o cümlədən Yüksək Mobil Artilleriya Raket Sistemləri (HIMARS), dəqiq idarə olunan artilleriya sistemləri və silah ehtiyaclarını ödəmək üçün 275 milyon dollar yardım göndərəcək.

Ukraynaya 4 peyk rabitə antenası da göndərəcəklərini qeyd edən Sinq, ABŞ prezidenti Co Baydenin vəzifəyə başladığı 2020-ci ilin yanvarından bu yana Ukraynaya edilən yardımların ümumi məbləğinin 18,5 milyard dollara çatdığını qeyd edib.

Qeyd edək ki, Rusiya Xarici İşlər Nazirliyinin rəsmisi Konstantin Vorontsov ötən gün Birləşmiş Millətlər Təşkilatının (BMT) Baş Assambleyasında keçirilən iclasda ABŞ-ın Ukraynaya peyk rabitəsi üçün yardım göndərəcəyi təqdirdə mülki peyklərin Rusiyanın “qanuni hədəfinə” çevrilə biləcəyini bildirib.

Ağ Ev Milli Təhlükəsizlik Şurasının Strateji Kommunikasiyalar Direktoru Con Kirbi isə Rusiyanın ABŞ infrastrukturuna hər hansı hücumuna cavab verəcəklərini bildirib.

Busaat.az