ABŞ dövlət katibi Antoni Blinken Ukraynaya 300 milyon dollarlıq yeni hərbi yardım paketi verəcəklərini açıqlayıb.
Busaat.az xəbər verir ki, ABŞ Dövlət Katibi Blinken yazılı açıqlamasında qeyd edib:
“Ukraynalı tərəfdaşlarımızın Rusiyanın təcavüzkar hücumlarına qarşı müdafiəsi zamanı onların yanında olmağa davam edəcəyik. Prezident Baydendən aldığım icazəyə uyğun olaraq, mən ABŞ-nin inventarından Ukraynaya 300 milyon dollar dəyərində silah və avadanlıq tədarükü ilə bağlı əməliyyatı təsdiq edirəm”.
Rusiyanın istəsə bu gün müharibəni bitirə biləcəyini ifadə edən Blinken ABŞ və müttəfiqlərinin Rusiya müharibəni bitirənə qədər Ukraynaya dəstəyini davam etdirəcəyini vurğulayıb. Digər tərəfdən Pentaqonun verdiyi açıqlamada 300 milyon dollarlıq paketin məzmunu paylaşılıb.
Müvafiq olaraq, paketə Yüksək Performanslı Artilleriya Raket Sistemi (HIMARS) sursatları, 155 mm-lik haubitsa sistemi və mərmilər, 120, 80 və 60 mm-lik minaatan mərmiləri, TOW və AT-4 tank əleyhinə raketlər, Hydra-70 hava raketləri daxildir.
Həmçinin qeyd olunub ki, paketə atıcı silahların sursatları, partlayıcı maddələr və ağır texnika və söküntü üçün nəzərdə tutulmuş avtomobil daşıyıcıları, texniki xidmət avadanlıqları və ehtiyat hissələri daxildir.
Busaat.az
