ABŞ Ukraynaya yüksək dəqiqliyə malik “Excalibur” mərmiləri göndərib – “Bloomberg” nəşri

ABŞ Ukraynaya özünün ən dəqiq artilleriya mərmisi olan, GPS sistemi ilə təchiz olunmuş “Excalibur”-u göndərib.

Busaat.az xəbər verir ki, bu barədə ABŞ-ın “Bloomberg” nəşri məlumat yayıb.

Məlumatda bildirilir ki, peyk vasitəsilə idarə olunan “Excalibur” ilk dəfə 2007-ci ildə İraqda Əl-Qaidə lideri Əbu Jurahın və onun tərəfdaşlarının zərərsizləşdirilməsi zamanı istifadə edilib. Daha əvvəl açıqlanmayan büdcə sənədinə əsasən, “M982 Excalibur” sursatlarının Ukraynaya göndərilməsi üşün, Konqres tərəfindən 92 milyon əlavə büdcə ayrılıb.

“Excalibur” mərmilərinin ən əsas özəlliyi hədəflərə daha dəqiq zərbə endirməyə imkan verməsidir. Bu mərmilərlə 25 mil (40,5 kilometr) məsafədə olan hədəfi tam dəqiqliklə məhv etmək mümkündür. Ordu büdcə sənədlərinə görə, indiyə qədər Ukraynaya 374 “Excalibur” mərmisi göndərilib.

“AzPolitika.info”