ABŞ və Cənubi Koreyanın hərbi təlimləri zamanı Şimali Koreya raket sınaqları keçirib

Şimali Koreya Cənubi Koreya ilə ABŞ arasında keçirilən hərbi təlim zamanı iki raket atdığını açıqlayıb.

Busaat.az Koreya Mərkəzi Xəbər Agentliyinə istinadən xəbər verir ki, Cənubi Hvanqhae bölgəsindən atılan iki orta mənzilli raket Şimali Hamqyonq bölgəsindəki hədəfi birbaşa zərbə ilə məhv edib.

Şimali Koreya hərbi mənbələri, “Ordumuz partiyanın inqilabi siyasətinə sadiq qalaraq istənilən vəzifəni yerinə yetirməyə qadirdir”, – deyə bəyanat yayıb.

Sınaqların Cənubi Koreyanın ABŞ ilə birgə təşkil etdiyi “Azadlıq Qalxanı” təliminin davam etdiyi bir vaxtda keçirilməsi diqqət çəkib.

Busaat.az