Şimali Koreya ABŞ və Cənubi Koreyanın birgə hərbi təlimlərinə qarşı “aqressiv” addımlar atacaq.
Busaat.az xəbər verir ki, bu barədə Şimali Koreyanın rəsmi xəbər agentliyi KCNA xəbər yayıb.
Xəbərlərdə fikirləri yer alan beynəlxalq təhlükəsizlik eksperti Choe Ju-hyon deyib: “ABŞ-nin Cənubi Koreya ilə birgə təlimləri və ABŞ hərbi aktivlərinin Koreya yarımadasına yerləşdirilməsi bölgəni “hər an partlayacaq bir arsenala” çevirib”.
“Şimali Koreya kritik missiyalarda təcavüzkar hərəkətləri ilə müharibədən çəkindiriciliyini nümayiş etdirməyə davam edəcək”,-Choe deyib.
Qeyd edək ki, Cənubi Koreya və ABŞ B-52H strateji bombardmançı təyyarəsinin də iştirak etdiyi birgə hava təlimləri keçirib.
Cənubi Koreya, ABŞ və Yaponiya dəniz qüvvələri Şimali Koreyanın artan raket təhdidləri səbəbindən koordinasiyanı gücləndirmək üçün birgə sualtı qayıq əleyhinə təlimlər keçirib.
Son zamanlar raket sınaqlarını artıran Şimali Koreya nüvə hücumunu simulyasiya edib.
Qeyd edək ki, Şimali Koreya martın 22-də nüvə əks-hücum təlimi keçirdiyini bildirib. Təlim nüvə hücumuna nəzarət sisteminin idarə edilməsi, nüvə əks-hücumuna keçid və nüvə başlığı modeli ilə ballistik raketin buraxılması daxil olan 3 hissədən ibarətdir.
Busaat.az
