
ABŞ və Filippin birgə hərbi təlimlərə başlayıb
ABŞ və Filippin ordusu ölkənin Palayan şəhərində təxminən 3 həftə davam edəcək “Salaknib” adlı təlimə başlayıb.
Busaat.az bu barədə GMA News-a istinadən xəbər verir.
Filippin ordusunun komandanı general Romeo Brauner və ABŞ ordusunun komandanı general Xavier Brunsonun qatıldığı tədbirlə başlayan təlimdə 1000-dən çox Filippin əsgəri və 3000-dən çox ABŞ əsgəri iştirak edir.
Təlim haqqında danışan general Brauner deyib ki, məqsəd Filippin və ABŞ qoşunlarının hava və sahil müdafiə imkanlarını artırmaq və iki ordu arasında müxtəlif hərbi əməliyyatlarda əməkdaşlığı gücləndirməkdir.
Qeyd edək ki, ölkədə 2016-cı ildən hər il keçirilən “Salaknib” təlimi aprelin 4-dək davam edəcək.
Busaat.az























