ABŞ və müttəfiqləri Rusiyaya qarşı yeni sanksiyalar paketi hazırlayır - Wall Street Journal

ABŞ və müttəfiqləri yenidən Rusiyanın neft məhsullarının satış qiymətlərini məhdudlaşdırmağa çalışan yeni sanksiyalar paketi hazırlayır.

Busaat.az xəbər verir ki, bu barədə məlumatı nüfuzlu “Wall Street Journal” yayıb.

Nəşrin mənbələri bildiriblər ki, sanksiyalar dizel və mazut qiymətlərinə məhdudiyyətlər tətbiq edəcək və fevralın 5-dən qüvvəyə minəcək.

Sanksiyaların yeni mərhələsi keçən ay ABŞ, Aİ və digər G7 ölkələrinin Rusiya neftinin ixrac qiymətini bir barel üçün 60 dollar səviyyəsində məhdudlaşdırmaq qərarından sonra həyata keçirilir.

WSJ-nin fikrincə, neft məhsullarına tətbiq edilən sanksiyalar daha ciddi iqtisadi nəticələrə səbəb ola bilər və bazar müşahidəçiləri Rusiyanın neft məhsullarının ixracına yenidən fokuslanmaqda daha çətin anlar yaşayacağını gözləyirlər.

Busaat.az