Rusiya Təhlükəsizlik Şurasının sədr müavini Dmitri Medvedev ABŞ və Rusiya arasında mümkün münaqişənin “fəlakətli nəticələrə” səbəb olacağı barədə xəbərdarlıq edib və münaqişədə qalibin olmayacağını deyib.
Busaat.az xəbər verir ki, Rusiya Təhlükəsizlik Şurasının sədr müavini Dmitri Medvedev Rusiya ilə ABŞ arasında mümkün münaqişə ilə bağlı dəyərləndirmələr edib.
Dmitri Medvedev mümkün münaqişənin “fəlakətli nəticələrə” səbəb olacağı barədə xəbərdarlıq edərək, “Kimin ordusunun üstün olduğunu söyləmək mümkün olmayacaq”, – deyə əlavə edib.
“Birincisi, hansı ordunun birinci, ikinci və ya 21-ci olmasına yalnız real münaqişə qərar verə bilər. İkincisi, ABŞ ordusunun 1 nömrəli, bizimkinin isə 2 nömrəli olduğunu demək düzgün olmaz. Sadə səbəbə görə bu ordular müharibəyə başlayarsa, qalibin kim olduğunu necə müəyyən edə bilərik? Aydındır ki, qalib olmayacaq”, – deyə Medvedev bildirib.
ABŞ-Vyetnam müharibəsinə toxunan Medvedev müharibədə 3 milyon vyetnamlının öldürüldüyünü öyrənəndə şoka düşdüyünü deyib.
“Ona görə də mən bir ordunun digərindən güclü olub-olmaması ilə bağlı spekulyasiya etməyəcəyəm. Döyüşən ordu güclü ordudur”, – Medvedev qeyd edib.
