Rusiyanın Ukraynada Pravoslav Milad günündə təklif etdiyi atəşkəs qazanmaq cəhdidir.
Busaat.az xəbər verir ki, ABŞ prezidenti Coe Bayden belə düşünür.
Rusiya prezidenti Vladimir Putin Ukraynada tərəflər arasında bütün təmas xətti boyunca atəşkəs barədə göstəriş verib.
“Müqəddəs Patriarx Kirillin müraciətini nəzərə alaraq, Rusiya Federasiyasının Müdafiə nazirinə 6 yanvar 2023-cü il saat 12.00-dan 7 yanvar 2023-cü il saat 24.00-dək bütün döyüş xətti boyunca atəşkəs rejimini tətbiq etməyi tapşırıram. Çoxlu sayda pravoslav vətəndaşının döyüş əməliyyatları aparılan ərazilərdə yaşadığını əsas götürərək, biz Ukrayna tərəfini atəşkəs elan etməyə və Milad ərəfəsində, eləcə də Milad bayramında onlara ibadətlərdə iştirak etməyə icazə verməyə çağırırıq” – deyə, Kremlin bəyanatında deyilir.
Ukrayna atəşkəs təklifini rədd edərək bildirib ki, Moskva öz qüvvələrini işğal etdiyi torpaqlardan çıxarmayana qədər atəşkəs olmayacaq. Ukrayna prezidenti Volodimir Zelenski deyib: “Onlar indi Milad bayramından qısa da olsa, Donbasda bizim əsgərlərin irəliləyişini dayandırmaq və texnika, sursat və səfərbər edilmiş qoşunları mövqelərimizə yaxınlaşdırmaq üçün pərdə kimi istifadə etmək istəyirlər”.
Busaat.az
