ABŞ və Yaponiya Çinə qarşı hərbi tədbirləri gücləndirir
ABŞ və Çin arasında rəqabətin qızışdığı bir vaxtda Vaşinqton administrasiyası Yaponiya ilə yeni razılaşmalar əldə edir və regionda Çinə qarşı mövqeyini gücləndirir.
Busaat.az xəbər verir ki, ABŞ və Yaponiya xarici işlər və müdafiə nazirləri arasında Vaşinqtonda keçirilən dördtərəfli
Təhlükəsizlik Məsləhət Komitəsinin iclası ilə bağlı Anadolu Agentliyinə açıqlama verən ABŞ rəsmisi, bu görüşdə nazirlərin Çinin birtərəfli qaydada regiondakı status-kvonu dəyişdirmək cəhdlərinə qarşı qətiyyətli olacaqlarını bildirib.
“ABŞ və Yaponiya mütərəqqi əməliyyat konsepsiyası və gücləndirilmiş imkanlar əsasında alyansın qüvvələrinin yerləşdirilməsini optimallaşdırmağa qərar verəcəklər. Regionda sürətlə dəyişən təhlükəsizlik problemlərinin öhdəsindən gəlmək üçün bir çox sahələrdə əməkdaşlıq vacibdir” – deyə, ABŞ rəsmisi qeyd edib.
“Nazirlər Yaponiyada ABŞ-ın hərbi mövcudluğunu əhəmiyyətli dərəcədə artıracaqlarını, o cümlədən 2025-ci ilə qədər Okinava adasına Dəniz Piyadaları Korpusunun Sahil Alaylarından birinin qabaqcıl kəşfiyyat, müşahidə, anti-təxribat funksiyalarına malik yeni birlik kimi yerləşdirilməsini təmin edəcəklər” – deyə, rəsmi bildirib.
Busaat.az
