ABŞ və Yunanıstandan Ankaranı qəzəbləndirən HƏRƏKƏT

Türkiyə ilə Yunanıstan arasında gərginlik davam edərkən, gərginliyi artıran daha bir hadisə yaşanıb.

Busaat.az xəbər verir ki, Yunanıstanla əməkdaşlıq edən ABŞ-ın çoxmillətli neft-qaz şirkəti ExxonMobil-in Krit adası sahillərində qazma işlərini sürətləndirdiyi məlum olub.

Yunanıstanın ən çox oxunan qəzetlərindən olan Kathimerini-də yayımlanan xəbərə görə, ExxonMobil-in səlahiyyətliləri Yunanıstan ilə əməkdaşlıq barədə dnışarkən deyib: “Türkiyə ilə enerji haqları ilə bağlı gərginliklərdən narahat deyilik”.

Qeyd olunub ki, ExxonMobil adanın qərbində və cənub-qərbində təbii qaz və neftin kəşfiyyatı üçün Yunanıstanın HELLENiQ Energy şirkəti ilə əməkdaşlıq edib. Yunanıstan mətbuatında yer alan xəbərdə bildirilib: “ABŞ şirkətinin Türkiyənin Yunanıstana qarşı aqressiv ifadələrindən narahat olmadığını, eyni zamanda bölgədəki qazma və kəşfiyyat fəaliyyətlərini bir il sürətləndirəcəyini öyrəndik”.

Həmçinin bildirilib ki, ExxonMobil tərəfindən kəşfiyyat işləri aparılacaq bölgə Türkiyə ilə Liviya arasında 2019-cu ildə imzalanmış müqavilə ilə kəsişir.

Busaat.az