ABŞ Dövlət Departamenti Yaponiyaya 104 milyon dollar dəyərində uzaqmənzilli qanadlı raketlərin və müvafiq avadanlıqların satışını təsdiqləyib.
Busaat.az xəbər verir ki, bu barədə ABŞ Müdafiə Təhlükəsizliyi Əməkdaşlıq Agentliyi məlumat yayıb.
Yazılı açıqlamaya əsasən, ABŞ Dövlət Departamenti 104 milyon dollar dəyərində 50 ədəd “JASSM-ER” uzaqmənzilli qanadlı raketlərin və müvafiq avadanlıqların Yaponiyaya satılmasına icazə verib.
Satışın təsdiqlənməsi ilə bağlı Konqresə bildiriş göndərilib.
Dövlət Departamentinin silah satışına icazə verməsi o deməkdir ki, bu satışın ABŞ administrasiyası üçün yaxşı olduğu bildirilir.
ABŞ Konqresi 30 iş günü ərzində Departamentin qərarına etiraz etməzsə, administrasiya paketin məzmunu üçün satışın təsdiq edildiyi ölkə ilə danışıqlara başlayır.
Bu danışıqların sonunda ABŞ həmin ölkəyə təklif məktubu təqdim edir. Təklif müsbət cavab alarsa, satınalma prosesi baş verir.
