“Ukrayna ordusu narahatdır ki, ABŞ gərgin döyüşlər davam edərkən yardımı artırmağı öhdəsinə götürməzsə, Rusiya qüvvələri müdafiə xəttini yarıb bir neçə gün ərzində Rusiyanın qələbəsini təmin edə bilər.
Busaat.az “The Independent” istinadən xəbər verir ki, Ukraynada təşviş hissi silah tədarükünün azalması səbəbindən dərinləşib.
“Vəziyyət çox çətindir, çox çətindir, lakin uşaqlar dözürlər”, – Avdeevka hərbi idarəsinin rəisi Vitali Barabaş “The Independent”ə müsahibəsində deyib.
Prezident Vladimir Zelenski son günlər nikbin tonunu qoruyub, müttəfiqləri daha çox dəstəkləməyə çağırıb və Ukraynanın müharibədə uduzmağa başlayacağı ilə bağlı fərziyyələri rədd edib.
Lakin ABŞ Konqresi hətta Ukraynaya minimum yardım paketi ilə bağlı razılığa gələ bilmədiyi üçün ukraynalı komandirlər ölkənin gələcəyi ilə bağlı tutqun xəbərdarlıqlar edir.
Barabaş bildirib ki, ABŞ-ın yardımı dayanarsa, bu, həm hərbçilər, həm də mülki şəxslər arasında böyük itkilərə səbəb olacaq. “Müdafiə xətti dəyişə bilər və müharibənin əvvəlində olduğu kimi çılğın itkilərə səbəb olacaq” – deyə əlavə edib.
Göründüyü kimi, rus qoşunları ikinci qışa Ukrayna əsgərlərindən daha yaxşı hazırlaşıblar.
