“Aclıq təriqəti” ayinlərində ölənlərin sayı 145-ə çatdı

Keniyada ölüm orucu səbəbiylə həyatını itirdiyi təsbit edilənlərin sayı 145-ə yüksəlib.

Busaat.az xarici mediaya istinadən xəbər verir ki, Sahil bölgəsi komissarı Rhoda Onyancha dini lider Paul Mackenzie-nin terrorizmdə günahlandırıldığı istintaqda yeni cəsədlərin tapıldığını açıqlayıb.

Təriqətin yerləşdiyi Malindi şəhərində hələ də 500-dən çox insanın itkin düşdüyü təxmin edilir.

Digər tərəfdən Keniya mətbuatında tez-tez orqan ticarəti şübhəsinin gündəmə gəlməsinin ardından aparılan araşdırmalarda bəzi şəxslərin orqanlarının çıxarıldığı müəyyən olunub. Yarılmalarda bəzi uşaqların boğularaq öldüyü müəyyən edilib.

Təriqətin lideri Makkenzi istintaqın əvvəlində polisə 1000 nəfərin meyitini aşkarladıqlarını bildirib.

Qeyd edək ki, Xoş Xəbər Beynəlxalq Kilsəsinin Pastoru Paul Mackenzie Ntenqe kilsənin üzvlərinə ac qalmalarını, bununla onlara İsa Peyğəmbər ilə görüşməyi söz verib.

Busaat.az