Adanada 16 yaşlı oğlan sosial şəbəkədə paylaşım etmək istəyərkən təsadüfən 14 yaşlı dostunu güllələyərək öldürüb.
“ Busaat.az ” xəbər verir ki, hadisə Mıdık məhəlləsində baş verib.
Məlumata görə, 16 yaşlı M.E.Ş. motosiklet idarə edən 14 yaşlı Murad Aras Hirmanın arxasında əyləşərək video çəkib. Bu zaman onun əlindəki silahdan ehtiyatsızlıqla açılan atəş nəticəsində güllə Hirmanın kürəyinə dəyib.
Yaralanan Murad Aras Hirman təcili tibbi yardım maşını ilə Adana Şəhər Tədris və Araşdırma Xəstəxanasına aparılıb və əməliyyat olunduqdan sonra reanimasiya şöbəsinə yerləşdirilib. Lakin bir həftə sonra həyatını itirib.
Əvvəlcə dostunun naməlum güllə ilə vurulduğunu iddia edən M.E.Ş., sonradan dindirilmə zamanı silahın əlində olduğunu və təsadüfən atəş açdığını etiraf edib.
Polis tərəfindən saxlanılan M.E.Ş. məhkəmə qərarı ilə həbs edilib.
Nərmin Səmidova
