Adanın ətrafında 34 Çin təyyarəsi və 9 gəmi aşkar edilib - Tayvan Müdafiə Nazirliyi

Tayvan Müdafiə Nazirliyi dünən axşamdan bu gün səhərə qədər adanın ətrafında Çinə aid 34 hərbi təyyarə və 9 döyüş gəmisinin görüldüyünü açıqlayıb.

Busaat.az xəbər verir ki, 2 SU-30, 2 J-11, 4 J-10, 6 J-16 döyüş təyyarəsi, 1 “Y-8 EW” dəniz nəqliyyatı, 1 “Y-8 ASW” dəniz patrulu və 2 “Y-8” ELINT” elektron kəşfiyyat təyyarəsi və “BKZ-005” və “BKZ-007” tipli hərbi pilotsuz təyyarələri hava və dəniz xətlərini keçib.

Nazirliyin açıqlamasında qeyd edilib ki, adanın ətrafında aşkar edilən 34 hərbi təyyarə və 9 gəminin elektron izləmə cihazları, patrul təyyarələri, gəmilər və yerüstü raket sistemləri ilə izlənib.

Uçuşlar Çexiyanın yeni seçilmiş prezidenti Petr Pavelin Tayvan lideri Tsay İnq-Ven ilə telefon danışığından sonra həyata keçirilib. Pekin bu görüşə “Çinin daxili işlərinə qarışmaq”, “Vahid Çin prinsipini pozmaq” və “Tayvanın müstəqilliyini müdafiə edən separatçı qüvvələrə yanlış siqnal vermək” kimi əsaslarla etiraz edib.

Qeyd edək ki, adanı Çinin bir hissəsi hesab edən Pekin “Vahid Çin” prinsipini vurğulayaraq Tayvanın dünya ölkələri ilə müstəqil diplomatik əlaqələr qurmasına, BMT-də və digər beynəlxalq təşkilatlarda təmsilçiliyinə qarşı çıxır.

Busaat.az