Avropa İttifaqı ölkələrinin səfirləri Belarusa qarşı yeni sanksiyalar paketi üzrə prinsipial razılığa gəliblər.
Busaat.az xəbər verir ki, bu barədə Aİ Şurasında Belçika sədrliyinin bəyanatında deyilir.
Məlumata görə, Belarusa qarşı yeni məhdudiyyətlər mövcud məhdudiyyətlərdən yayınma ilə mübarizəyə də təsir edəcək.
Bildirilib ki, Belçika tərəfinin nümayəndələri Avropa hakimiyyətinin Minskin tətbiq edilən sanksiyalara müqavimət göstərmək cəhdləri ilə necə mübarizə aparacağını dəqiqləşdirməyiblər.
Eyni zamanda, Belçika sədrliyi bəyan edib ki, Belarusa qarşı yeni sanksiyalar paketi Minskə qarşı artıq görülən tədbirləri tamamlayacaq.
