Aİ Belarusa qarşı sanksiyaları genişləndirir

Aİ Ukrayna münaqişəsinə görə Rusiyaya qarşı tətbiq edilən məhdudlaşdırıcı tədbirlərdən yayındığı üçün Belarusa qarşı sanksiyaları genişləndirib.

Busaat.az xəbər verir ki, bu barədə Brüsseldə yayılan Avropa Komissiyasının (AK) bəyanatında bildirilir.

Yeni tədbirlər Rusiya sanksiyalarının Belarus ərazisindən yan keçməməsinə kömək edəcək.

Avropa İttifaqı Belarusa ölkənin hərbi inkişafına töhfə verən mal və texnologiyaların, həmçinin odlu silah və sursatların ixracına qadağa qoyub.

“Bu tədbirlər Belarusun hərbi-texniki təkmilləşdirilməsinə töhfə verən bir sıra xüsusilə həssas mal və texnologiyaların ölkəyə ixracına qoyulan qadağanı genişləndirir. Şura həmçinin odlu silah, döyüş sursatı, habelə aviasiya və kosmik sənayedə istifadəyə yararlı mal və texnologiyaların ixracına əlavə qadağa tətbiq edir”, – bəyanatda deyilir.

Busaat.az