Avropa İttifaqı ciddi enerji böhranı ilə üz-üzədir.
Busaat.az xəbər verir ki, bunu Bakıda keçirilən enerji forumunda Avropa Komissiyasının (AK) Beynəlxalq Əlaqələr Departamentinin baş direktoru Kristina Lobillo Borrero deyib.
Onun sözlərinə görə, Aİ hazırda çox ciddi enerji böhranı yaşayır və bunu nəzərə alaraq, qaz tədarükü istiqamətlərinin şaxələndirilməsi çox vacibdir.
Borrero Azərbaycanı qaz sektorunda Avropa İttifaqının etibarlı tərəfdaşı adlandırıb və respublikadan Avropaya qaz nəqlinin artırılması istiqamətində işlərin davam etdirildiyini bəyan edib.
