Avropanın anti-Rusiya sanksiyaları ilə bağlı mövqeyi dünyanın əksər dövlətləri arasında anlaşılmazdır.
Busaat.az xəbər verir ki, bunu Avstriyanın xarici işlər naziri Aleksandr Şallenberq bildirib.
“Bu, bizim bu il maraqlanacağımız əsas məsələlərdən biridir. Ölkələrin əksəriyyəti Avropanın nöqteyi-nəzərini bölüşmür. Biz Avropada bilməliyik ki, Rusiyanın Afrikadakı addımları uğurlu olub. Onlar deyirlər ki, Qərb anti-Rusiya sanksiyalara görə dünyada neft, qaz və ərzaq qiymətlərinin artmasının günahkarıdır”, – o, Avstriyanın “Der Standard” qəzetinə müsahibəsində bildirib.
Rusiyanın baş naziri Mixail Mişustin 2022-ci il avqustun 26-da bildirib ki, Qərb Moskvanı qlobal ərzaq böhranının təhrikində günahlandırmaq istəyir, eyni zamanda, indiki vəziyyət birbaşa onların hərəkətlərinin nəticəsidir. Onun sözlərinə görə, qeyri-qanuni anti-Rusiya sanksiyaları mənfi qlobal tendensiyaları gücləndirib, burada beynəlxalq maliyyə və logistika şirkətləri və banklar Rusiya ərzaq məhsulları və gübrə üçün kreditlərin verilməsini, sığorta və xidmət ixracını dayandırıb, xaricdəki liman terminallarını bağlayıblar.
