Aİ Ukrayna üçün sursat istehsalını artıracaq - Borrell

Avropa İttifaqının (Aİ) xarici siyasət rəhbəri bəyan edib ki, Ukraynanın Rusiya qoşunlarına qarşı mübarizə aparmaq üçün sursata ciddi ehtiyacı var və Kiyevə kömək etmək məqsədilə Aİ sursatların alınması üçün böyük məbləğdə vəsait ayırmağı planlaşdırır.

Busaat.az xəbər verir ki, bunu DW yazır.

“Ukraynada kəskin sursatın çatışmazlığı səbəbindən Aİ birliyə öz istehsalını artırmağa və lazımi vəsaiti Kiyevə köçürməyə imkan verəcək yeni maliyyələşdirmə proqramı hazırlayır”, – Aİ-nin xarici işlər və təhlükəsizlik siyasəti üzrə ali nümayəndəsi Xosep Borrell Münhen Təhlükəsizlik Konfransı zamanı təsdiqləyib.

Borrell Avropa ölkələrinin Ukraynaya tank və digər silahların tədarükündəki ləngliyini pisləyib və sözdən hərəkətə keçməyi tövsiyə edib.

“Qərb ölkələri Ukrayna prezidenti Volodimir Zelenskini daha az alqışlamalı və daha çox güllə atmalıdır”, – Aİ diplomatiyasının rəhbəri deyib.