
Aİ və ABŞ hərbi əməkdaşlığı gücləndirmək üçün saziş imzalayıb
ABŞ Müdafiə Nazirliyi və Avropa Müdafiə Agentliyi müdafiə sahəsində əməkdaşlığı gücləndirmək üçün saziş imzalayıb.
Busaat.az xəbər verir ki, bu barədə Aİ-nin müdafiə departamentinin saytında məlumat verilib.
“Avropa Müdafiə Təşkilatı ilə ABŞ Müdafiə Nazirliyi arasında olan inzibati saziş informasiya mübadiləsi də daxil olmaqla, müdafiə məsələləri üzrə müəyyən sahələrdə transatlantik əməkdaşlığı gücləndirir”, – məlumatda deyilir.
Bildirilir ki, tərəflər arasında razılaşma çərçivəsində Avropa Müdafiə Qurumunun səlahiyyətlərinə aid olan bütün məsələlər üzrə dialoq aparılacaq.
Məsləhətləşmələr çərçivəsində təchizat zəncirləri və hərbi mobillik məsələləri də müzakirə olunacaq.
Busaat.az























