Aİ və Türkiyə gömrük ittifaqı sazişinin genişləndirilməsi ilə bağlı danışıqlar aparır.
Busaat.az xəbər verir ki, bu bardə Bloomberg məlumat yayıb.
Bu, Ankaranın İsveçin NATO-ya üzvlüyünü təsdiqləməsi ilə bağlı prinsipial razılaşmadan sonra ikitərəfli münasibətlərin istiləşməsi kontekstində baş verir.
“Mən həmişə düşünürdüm və indi də hesab edirəm ki, gömrük ittifaqının modernləşdirilməsi, əslində, mümkündür. Təbii ki, bəzi maneələr var, lakin biz daha sıx əməkdaşlığı necə quracağımızı başa düşməliyik”, – agentlik Avropa komissarı Yohannes Hanın sözlərindən sitat gətirib.
Nəşr bildirir ki, ötən ay Aİ ölkələrinin xarici işlər nazirləri Ankaranın İsveçin NATO-ya üzvlüyünü təsdiqləməyə razılıq verdikdən sonra “Türkiyə ilə ikitərəfli əlaqələrin gücləndirilməsi” istiqamətində işləməyə hazır olduqlarını bəyan ediblər.
Bundan əlavə, İqtisadi Məsələlər üzrə Avropa komissarı Paolo Gentilloni son iki həftə ərzində Türkiyənin maliyyə və xəzinə naziri Mehmet Şimşək ilə artıq iki dəfə görüşüb.
Qeyd edək ki, iyulun 10-da NATO-nun baş katibi Yens Stoltenberq Türkiyə prezidenti Rəcəb Tayyib Ərdoğan və İsveçin baş naziri Ulf Kristersonun iştirakı ilə keçirilən üçtərəfli məsləhətləşmələrin sonunda bəyan edib ki, Ankara Stokholmun gömrük ittifaqının genişləndirilməsi tələbi ilə prinsipial olaraq razılaşıb.
Busaat.az
