Aİ Xirosimada keçiriləcək G7 sammitində Ukraynaya hərbi yardımı genişləndirməkdə israr edəcək

Xirosimada keçiriləcək G7 sammitində Avropa İttifaqı Ukraynaya göstərilən hərbi yardımın genişləndirilməsi və sürətləndirilməsinə təkid edəcək.

Busaat.az xəbər verir ki, bu  barədə  Brüsseldə keçirilən mətbuat konfransında Avropa Komissiyasının rəhbəri Ursula fon der Leyen və Avropa Şurasının prezidenti Şarl Mişel bildiriblər.

“Mən liderlərdən iki əsas prinsipi qoruyacağını gözləyirəm. Birincisi, biz Ukraynaya lazım olan qədər dəstəyimizi davam etdirəcəyik. İkincisi, Ukraynasız Ukrayna haqqında heç nə olmayacaq. “Lazım olan qədər” dedikdə 2023-cü ildən sonra da böyük maliyyə yardımı, həmçinin sürətləndirilmiş hərbi yardım nəzərdə tutulmalıdır. “Ukraynasız Ukrayna haqqında heç nə” isə prezident Volodimir Zelenskinin planına güclü dəstək deməkdir”, – fon der Leyen bildirib.

“İndi Ukraynanın daha çox hərbi yardıma ehtiyacı var. Bu, əks-hücum üçün lazımdır”, – Mişel deyib.

Busaat.az