BRİKS-in genişlənməsi tarixi bir an olacaq və assosiasiya kollektiv Qərbə alternativ olmaq istəyən qlobal oyunçu statusu qazanacaq.
Busaat.az xəbər verir ki, bu barədə Serbiya Prezidenti Aleksandr Vuçiç Afinaya səfəri zamanı Tanjuq xəbər agentliyinə bildirib.
“BRİKS-in Sammiti bu gün başlayır. Düşünürəm ki, onlar BRİKS-i genişləndirmək qərarına gəlsələr, bu, onlar üçün tarixi bir addım olacaq. Mən əmin deyiləm ki, onlar bu gün bu qərarı verə biləcəklər, amma əgər bunu etsələr, şübhəsiz ki, tarixi qərar və mühüm qərar olacaq. Onlar bir çox onilliklərdən sonra kollektiv Qərbə alternativ yaratmağa çalışan qlobal oyunçuya çevrilirlər. Beləliklə, geosiyasi oyun getdikcə daha maraqlı olur”, – Vuçiç söyləyib.
Qeyd edək ki, BRİKS sammiti avqustun 22-24-də Yohannesburqda keçirilir. Cənubi Afrika bu il BRİKS qrupuna sədrlik edir. Ölkənin BRİKS üzvü Şerpa Anil Suklal daha əvvəl bildirmişdi ki, hazırda 30-a yaxın ölkə BRİKS-ə qoşulmaqda maraqlıdır. Onlardan bəziləri Əlcəzair, Banqladeş, Misir və Efiopiya da daxil olmaqla, rəsmi ərizələr təqdim ediblər.
Hindistanın “Business Standard” qəzeti öz mənbələrinə istinadən yazır ki, 22-24 avqustda Yohannesburqda keçiriləcək sammitdə beş ölkə BRİKS-ə qəbul edilə bilər: Argentina, Misir, İndoneziya, Birləşmiş Ərəb Əmirlikləri və Səudiyyə Ərəbistanı.
Rusiya 2024-cü ilin əvvəlində BRİKS-ə sədrlik edəcək.
