Almaniyanın Sol Partiyasından Yan van Aken bazar ertəsi Ukraynada münaqişənin həlli üzrə sülh danışıqlarının Çinsiz mümkün olmadığını deyib və BMT sülhməramlılarının Donbasa göndərilməsini təklif edib.
Busaat.az Almaniyanın Die Bild nəşrinə istinadən xəbər verir ki, siyasətçi fikirlərini belə izah edib:
“Niyə Almaniya kansleri Olaf Şolz səkkiz aydır Pekinə səfər etmir, halbuki hamı bilir ki, Çinsiz danışıqlar mümkün deyil? Düşünürəm ki, ən yaxşı variant BMT-nin mandatı (Donbasa sülhməramlıların yerləşdirilməsi üçün) və uzunmüddətli perspektivdə referendum olacaq”.
“Ola bilsin ki, bunu Çin ordusu həyata keçirsin. Bu, Ukrayna üçün çox ciddi təhlükəsizlik zəmanəti olardı”, – o, əlavə edib.
