Alman şirkətləri gələn il Afrikada, xüsusilə yaşıl hidrogen və mayeləşdirilmiş təbii qaz kimi sahələrdə fəaliyyətini artırmaq istəyirlər. Şirkətlərin 43%-i qitədəki investisiyaları artırmağı planlaşdırır.
Busaat.az xəbər verir ki, bu barədə məlumatı “Reuters” yayıb.
Alman-Afrika Biznes Assosiasiyasının üzvləri arasında aparılan sorğu müəyyən edib ki, üzvlərin 39%-i Afrikadakı xərclərini sabit saxlamaq istəyir. Assosiasiyanın rəhbəri Kristof Kannegiesser deyib: “Şirkətlərin əksəriyyəti gələn il öz fəaliyyətlərini genişləndirmək istəyir. Bu məntiqli addımdır, çünki qitə hələ də inkişaf trayektoriyasındadır”.
İqtisadiyyat Nazirliyinin məlumatına görə, alman şirkətləri 2021-ci ildə Afrikaya təxminən 1,6 milyard avro sərmayə qoyub, bunun təqribən 1,1 milyard avrosu Saharaaltı regiona ayrılıb.
Avropanın ən böyük iqtisadiyyatı Ukraynadakı müharibədən sonra Rusiyadan qaz asılılığını azaltmağa çalışarkən, Kannegiesser Afrikanın enerji sektorunda böyük imkanlar gördüyünü bildirib.
İnvestisiya potensialı olan ölkələr kimi Seneqal, Nigeriya və Mavritaniyanı qeyd edilib.
Busaat.az
