“Hamımız üçün dönüş nöqtəsi” olan “Brexit” qərarından sonra Almaniya Böyük Britaniya ilə əməkdaşlığı intensivləşdirmək istəyir.
Busaat.az xəbər verir ki, bunu Almaniyanın Xarici İşlər naziri Annalena Baerbok deyib.
O, İrlandiyaya səfərindən əvvəl verdiyi açıqlamada qeyd edib: “Ölkələrimiz arasında rəsmiləşdirilmiş strateji dialoqla Böyük Britaniya-Almaniya münasibətlərini daha da intensivləşdirmək istəyirik”.
“Biz həmçinin iki ölkə arasında gənclərin mübadiləsi proqramları və işçi mobilliyi kimi Aİ-nin çox praktik nailiyyətlərini Böyük Britaniya ilə münasibətlərimizdə yeni təməl üzərində qurmaq üçün birgə işləməkdə maraqlıyıq” – deyə, alman diplomat əlavə edib.
Baerbok Avropa İttifaqına üzv dövlətləri və Böyük Britaniyanı Şimali İrlandiya Protokolunu “qorumağa və həyata keçirməyə” çağırıb.
