Almaniya hökuməti Ukraynaya 178 ədəd “Leopard 1” tankının çatdırılmasına icazə verdi
Almaniya hökumətinin Təhlükəsizlik Şurası Ukraynaya sənaye ehtiyatlarından 178 ədəd “Leopard 1” tankının təhvil verilməsini təsdiqləyib ki, bu da əvvəllər elan edilən saydan xeyli çoxdur.
Busaat.az xəbər verir ki, Der Spiegel-in məlumatına görə, tankların bəziləri yayda, əsas hissəsi gələn il çatdırılacaq.
Tankların çatdırılması ilə bağlı məlumat Almaniyanın müdafiə naziri Boris Pistoriusun gözlənilmədən Kiyevdə peyda olmasından sonra ortaya çıxıb.
Qeyd edək ki, daha əvvəl Ukraynanın müdafiə naziri Oleksi Reznikov tvitterdə Pistoriusla irimiqyaslı tank maketi fonunda poza verdikləri fotonu dərc edib.
