Almaniya kansleri Lambrextin istefasını qəbul edib

Almaniya kansleri Olaf Şolz müdafiə naziri Kristin Lambrextin istefasını qəbul edib.

Busaat.az xəbər verir ki, bunu Almaniya hökumətinin mətbuat katibinin müavini Kristian Hofman deyib.

Məlumata görə, Şolz bu çətin dövrdə müdafiə naziri olaraq yaxşı iş görən Lambrextə təşəkkür edib: “Baş nazir Lambrextin qərarına hörmətlə yanaşır”.

Hofman qeyd edib ki, baş nazir Şolz yaxın vaxtlarda bu vəzifəyə yeni təyinat üçün prezidentə təklif təqdim edəcək.

Şolzun ​​istefanı qəbul edib-etmədiyi sualına “bəli” cavabını verən Hofman nazirin qərarına hörmət etmək üçün varisi ilə bağlı qərarının böyük ehtimalla bu gün açıqlanmayacağını vurğulayıb.

Qeyd edək ki, daha əvvəl Sosial Demokrat Partiyasından (SPD) müdafiə naziri Lambrext istefa məktubunu baş nazir Şolza təqdim edib.

Nazir Lambrext istefasının səbəbi ilə bağlı bildirib: “Medianın aylardır mənim üzərimdə olması əsgərlər, silahlı qüvvələr və Almaniya vətəndaşlarının maraqlarına uyğun təhlükəsizlik siyasəti qərarları haqqında obyektiv reportajlar və müzakirələr aparmağa imkan vermir. Ona görə də, işimi tərk etmək qərarına gəldim”.