Almaniya kansleri martın 3-də Vaşinqtona səfər edəcək, Baydenlə görüşəcək

Almaniya kansleri Olaf Şolz martın 3-də ABŞ prezidenti Co Baydenlə görüşəcək.

Busaat.az xəbər verir ki, bunu Ağ Evin mətbuat katibi Karine Jan-Pier bildirib.

Onun sözlərinə görə, bu, Ukraynada münaqişə başlayandan bəri Şolzun Ağ Evə ilk səfəridir.

“Kanslerin səfəri ABŞ və NATO müttəfiqi Almaniya arasında dərin dostluq bağlarını bir daha təsdiqləmək üçün fürsətdir”, – Jan-Pier bildirib.

Onun sözlərinə görə, görüşdə Bayden və Şolz Ukraynaya dəstək üçün davam edən səyləri, sanksiyalar və transatlantik təhlükəsizliyin gücləndirilməsini müzakirə edəcəklər.

“Onlar, həmçinin bir sıra regional və qlobal təhlükəsizlik məsələləri üzrə əməkdaşlığın davam etdirilməsini, o cümlədən Çinin yaratdığı ümumi çağırışlar üzərində birgə işləməyi və Hind-Sakit okean regionunda əməkdaşlığımızı müzakirə edəcəklər”, – Jan-Pier deyib.

Şolzun bu həftə Münhen Təhlükəsizlik Konfransında ABŞ-ın vitse-prezidenti Kamala Harrislə görüşməsi planlaşdırılır.

Şolz və Baydenin Almaniya və digər Avropa ölkələri arasında ABŞ-la keçən il qəbul edilmiş İnflyasiyaya Yardım Aktının bir hissəsi olan milyardlarla dollarlıq vergi güzəştləri ilə bağlı davam edən mübahisəyə də toxunacağı gözlənilir.

Ticarət məsələləri son nəticədə Avropa İttifaqı üzvləri adından Brüssel tərəfindən həll edilir və hər iki tərəfin rəsmilərinin cəlb olunduğu işçi qrup bu məsələ ilə bağlı müntəzəm olaraq görüşməyə davam edir.