Almaniya Müdafiə Naziri: Çini sözləri ilə deyil, hərəkətləri ilə mühakimə etməliyik

“Çinin Rusiyaya kamikadze pilotsuz təyyarələr verməyi planlaşdırması və eyni zamanda sülh planı təqdim etməsi ilə bağlı xəbərləri eşidəndə Çini sözləri ilə deyil, hərəkətləri ilə mühakimə etməyi təklif etdim”. 

Busaat.az xəbər verir ki, bunu Almaniyanın müdafiə naziri Boris Pistorius Deutschlandfunk-a müsahibəsində bildirib.

Bundan əvvəl Çin Ukraynadakı vəziyyəti həll etmək üçün sülh planı təklif etmişdi, lakin bu, Qərbdə xoş qarşılanmadı və ABŞ prezidenti Co Bayden bunu rədd edərək, Çinin sülh planının Rusiya prezidenti Vladimir Putin tərəfindən “alqışlandığını” söylədi.

Bundan başqa, son vaxtlar Qərb mediası anonim mənbələrə istinadən yazıb ki, Çin Rusiyaya pilotsuz təyyarələr və döyüş sursatları ötürməyi düşünür.