Xəbər verdiyimiz kimi, Kristin Lambrext bazar ertəsi müdafiə naziri vəzifəsindən istefa verib.
Busaat.az xəbər verir ki, Almaniya hökuməti Boris Pistoriusu yeni müdafiə naziri təyin edib.
62 yaşlı Pistorius 2013-cü ildən Aşağı Saksoniyanın daxili işlər naziridir. O, 2019-cu ildə Sosial Demokrat Partiyasının (SPD) liderliyinə namizəd olub və təhlükəsizlik məsələlərində sərt mövqeyi ilə tanınıb. Pistorius 2015-ci il miqrasiya böhranı zamanı miqrantların ölkəyə axınını əngəlləyən siyasi qərarları dəstəklədiyi üçün ciddi etibar qazanıb.
İqtisadiyyat naziri Robert Habek yeni təyinatla bağlı açıqlamasında, “Qısa müddətdə qəbul edilməli olan mühüm qərarlar var, xüsusən də Ukraynanın özünümüdafiəsini təşkil etməsi üçün necə dəstəkləyəcəyimizlə bağlı aktual sual var”, – deyib.
“Almaniya burada məsuliyyət daşıyır və yerinə yetirməli olduğu böyük vəzifələr var”, – deyə Habek qeyd edib.
