Oktyabrın əvvəlində ölkəsindən qaçmaq üçün Berinq dənizindəki Müqəddəs Lourens adasına üzən iki Rusiya vətəndaşı Vaşinqtonun Tacoma şəhərindəki təcridxanada saxlanılır.
Busaat.az xəbər verir ki, bu barədə məlumatı nüfuzlu Politico qəzeti yayıb.
Rusların saxlanmasından dərhal sonra ABŞ hüquq-mühafizə orqanları soyadları hələ məlum olmayan Sergey və Maksimi Ankoric şəhərinə göndərib. Qəzetin məlumatına görə, onlar daha sonra ABŞ İmmiqrasiya və Gömrük Mühafizəsi (ICE) tərəfindən Tacomada yerləşən Şimal-Qərb Təcridxanasına aparılıblar. Mərkəz qəzetə bildirib ki, məhbuslara humanist şərait yaradılıb.
Qeyd edək ki, Müqəddəs Lourens adası Çukotka ilə Alyaska arasında yerləşir və ABŞ-ın bir hissəsidir. Associated Press daha əvvəl Alyaska senatoru Liza Murkovskiyə istinadən xəbər yayıb ki, Çukçi sakinləri ABŞ-dan sığınacaq istəyiblər. Amerikanın Şimal-Qərb Mühacir Hüquqları Layihəsinin hüquqşünası Nikolas MakKinin sözlərinə görə, Ukrayna münaqişəsi başlayan kimi onlar Rusiyanı tərk edərək balıqçı gəmisi ilə ABŞ-a gəliblər.
Busaat.az
