AMEA-nın alimi koronavirusdan dünyasını dəyişib

AMEA-nın alimi koronavirusdan dünyasını dəyişibbackend

Azərbaycan Milli Elmlər Akademiyasının (AMEA) alimi Arif Məhərrəmov koronavirusdan vəfat edib.

Bu barədə Busaat.az-a Akademiyadan məlumat verilib.

A. Məhərrəmov ötən gün dəfn olunub.

Qeyd edək ki, Arif Məhərrəmov 1952-ci ildə Ermənistan SSR-nin Spitak rayonunda anadan olub. Azərbaycan Dövlət Universitetinin fizika fakültəsini, Moskvada SSSR EA-nın Kimyavi Fizika İnstitutunun aspiranturasını bitirib. AMEA-nın Radiasiya Problemləri İnstitutunda şöbə müdiri vəzifəsində çalışıb.

Fizika-Riyaziyyat elmləri doktoru, professordur.

2017-ci ildə “İlin nüfuzlu alimi” ali media mükafatına layiq görülüb. Alim 400-dən artıq elmi işin müəllifidir. Onlardan 200-ü xaricdə çap olunub. 15 müəlliflik şəhadətnaməsinin və patentin müəllifidir. Onun rəhbərliyi altında 11 elmlər namizədi müdafiə edib. 2 doktorluq dissertasiyasının məsləhətçisidir.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90